مسلسل يوسف الصديق بالصور

هي مين مصر ؟ هل صحيح انها امي و إذا كانت امي هي ليه مطنشاني الاغنية ألمشهورة بتقول متقولش ايه ادتنا مصر قول هندي ايه لمصر و لم تذكر لنا الاغنية سببا لهذه اللهجة الامرة و هل هي مثلا ماسكة عليهم ذلة عارف ان فيه دول لا تطاق لكن أحنا برضوا لو خلايجة كانت
معاملتنا ستكون احسن من كدة 100 مرة كفاية تتجنن في عقلك و تاخد عيالك أحد فنادق مصر تلاقي اللي شغالين في الفندق اذبهلوا و باصين عليك شذرا مزرا قائلين لك ويحك يا حنظلة انت عايز تبات عندنا ؟ فترتجف قائلا نعم تقوم تلاقي الموظف يكلمك بأسلوب استفزازي و كأنه هينط عليك من فوق الريسيبشن طب خد عندك الليلة 100 دولار تستغرب و تسأل دولارات ايه هو مش احنا في مصر يقولك و هو بيبصلك من فوق لتحت هنا مكان سياحي و متعرفش هو المكان السياحي ده في مصر و لا في نيو يوزرك و لا تعلم هل هو تحت رقابة البنك المركزي ام تحت رقابة الاحتياطي الفيدرالي هذه هي مصر طيب ليه منسألش عما ستعطيه لنا مصر طيب ما الامريكان بيسألوا و الانجليز بيسألوا و الهنود بيسألوا اشمعني المصريين ما يسألوش زمان عمنا مصطفي كامل قال لو لم اكن مصريا لوددت ان اكون مصريا كان هذا ايام زمان لما كانت مصر مداينة الانجليز انما الان فلسان حال نص البلد بيقول لو كنت مصريا لتمنيت ان يكون معايا عقد عمل في اي حتة تانية هي دي مصر يا عبلة و سلملي علي صلاح جاهين يا مصر فيكي حاجة مجنناني نزرع القمح في سنين يطلع قرع في ثواني و عجبي " ملحوظة : لا يحب احد مصر كما احبها انا و لا يعرف احد قيمة مصر كما اعرفها لا ابالغ اذا قلت ان ضلة جنب نيلها تسوي 1000 قصر لا أبالغ اذا قلت انه احيانا تتلهف علي ساندوتش فول او طعمية لدرجة الدموع خاصة في الغربة حيث لا شئ يعادل الوطن ، اما لماذا كتبت ما كتبت لا اعرف ربما نوع من التنفيس او ربما واحد بيدلع علي امه "