ايه ادتنا مصر
في زحمة الشغل و الكأبة و الملل وسط كل حاجة زى ماهية من زمان ليا من غيرك يا مصر اترمى في حضنك اسمع منك الشيخ امام يقول مصر ياما يا بهية يا ام طرحة و جلابية و لا جاهين بيصرخ بربعياته و نجم بيزعق على جيفارا و الابنودى بينادى على امنة و جوابات حراجى الجط نفسى فيكى يا مصر تحكيلى على المكتوب نفسى اعيش مصر بتاعة خيرى شلبى و الغيطانى و القعيد نفسى اعيش مصر بتاعة مقهى ريش نفسى الاقى نفسى برة غيطان العهر و القبح و تقسيم السبوبه نفسى الاقى نفسى محطوط جوة تابلوه من تابلوهات يوسف شاهين قاعد و كل دة بيحصل حواليا صدقونى مصر تستاهل اكثر من كدة مصر حلوة من غير اللى بيكلموا عنها و هم اللى مبهدلين الدنيا و يقولوا ال ايه ما تقولش ايه ادتنا مصر قول هندى ايه لمصر طب ليه منسألش ايه ادتنا مصر امال مين اللى يدينا مش كدة و لا ايه ؟
.jpg "author-img")
Comments