مسلسل يوسف الصديق بالصور

مصر وجدت حشائش سامة و بذور و حشرات غريبة في شحنة القمح الروسي ، يقوم ايه كبراتنا و بهواتنا يقولوا و مالوا ما احنا هنبخر القمح ده ، عدوها بقي ، ايه يعني لما يكون القمح مش مطابق للمواصفات ، ما احنا هنعدل المواصفات ، يعني و مالوا لما ناكل علف حيوانات ، ما احنا في الاخر اللي هناكل الحيوانات ، و كده كده دي نعمة ، مين بقي يرفس النعمة ، و لو رفسناها يبقي فعلا احنا حيوانات و نستاهل اكل علف الحيوانات ، انما في روسيا ناس ولاد لذينا ، رفضوا شحنة فواكه مصرية ، قال ايه لقوا فيها دبانة ، يا ولاد الايه صحيح شيوعيين و كفرا ، بقي عشان دبانة ترفسوا النعمة بتاعة ربنا ، و بعدين يعني ليه معندكوش نظر ؟ ما حنا رحبنا بحشراتكوا و اديناها اقامة ، تبقي كدا المعاملة ، دبانة يتيمة تكرشوها و تزحلقوها و ترجعوها مكسورة الجناح ، يعني الدبانة المصرية هي الموصوفة في المواصفات بتاعتكوا انها متخشش ؟ أمال عندنا المواصفات مبهوقة ليه ، و بتعدي كل حاجة ليه ؟ حاجة غريبة مريبة صحيح ، و عجبي