مسلسل يوسف الصديق بالصور

في رمضان الماضي هيئة سكك حديد مصر صدعتنا بأعلانات تهيننا و تسبنا و بأموال ألمصريين فضحت المصريين امام ألعالم كله و طلعتنا حرامية حنفيات و معفنين و بناكل فول علي الارض و بنمسح في هدومنا سحم علي الهواء مباشرة قالت للعالم كله ان المصريين نصابين و بيزوغوا من الكومسارية سحم بتشتم المصريين بفلوسهم لأ و ايه عايزة المصريين يمسكوا في بعض لما تشوف غلط امسك في زمارة رقبة الغلطان
المصري أللي بحق يقول للغلط لأ
و علي هذا الاساس لازم شعب مصر كله يطلع يمسك في رقبة سحم كلها لأن الغلط راكبهم من ساسهم لراسهم يقولك بنطور ألهيئة فين التطوير متعرفش ، لما العياط هي هي و الحوادث هي هي و لسة عايشين ايام البلوكات و التحويلة و المزلقان ابو شادوف فين التطوير و الحركات الاونطة يجيبلك عربيات مكيفة و يقولك طورنا انما ركوبة الغلابة قشاش و لا تالتة ليهم رب كريم فين التطوير يا بتوع الحنفيات المسروقة فين التطوير لما الراكب عندكوا مش عارف هو هيبات في بيته و لا في مشرحة زينهم تطوير أيه بالظبط و اعلانات ايه بالملايين و لزمتها ايه و كانت تكفي كام قطر و بعد كام سنة بالظبط هنقول الحمد لله التطوير خلص و لو و لابد بيعوا انتوا الحنفيات و طوروا بحقها منطقة العياط و لو الحنفيات مكفتش قولوا لطارق نور حملته جابت نتيجة سلبية
طاوعوني ابدءوا من دلوقتي قبل ما الشعب ما يقول لأ