حول مسلسل يوسف الصديق " نظرة الى الدراما "

دلوقتي : أنا اللي عملت لمصر شكل
زمان : انت اللي مليتها عشوائيات
دلوقتي : ايامك كانت نسبة البلهارسيا 70 %
زمان : ايامك أللي معندوش سرطان عنده يا كلي يا كبد
دلوقتي : كفاية ان ايامك انتشرت الامية
زمان ) ايامي كان عندنا طه حسين و مشرفة و سميرة موسي و احمد شوقي و العقاد
دلوقتي : كفاية دخلتك الصرف الصحي
زمان ) اللي ضارب من 3 شهور ؟
دلوقتي : و الميا في الحنفيات
زمان ) أسكت مقلتلكش ؟ مقطوعة من شهور و بنشتري الجركن ب 2 جنيه

دلوقتي : طيب و الكهربا ؟
زمان ) اللي بتيجي بزبالتها غالية من غير سبب
دلوقتي : كفاية علمنا الناس اللبس و الروشنة
زمان : أيامنا صغير او كبير باشا او ساعي كان بالبدلة و الكرافت
دلوقتي : خلينا ألفلاحين يتمدنوا
زمان : كان ايامنا يقف ولاد البندر و يتحسروا و يغنوا محلاها عيشة ألفلاح
دلوقتي ) كفاية امنا علي الموظفين و ألعمال
زمان : هي فين اموال التأمينات اصلا
دلوقتي ) أحنا العاشر في إلكورة
زمان : و التسعين في التعليم و المية و خمسين في الصحة
و فجأة انقض دلوقتي علي زمان باخلاق و مصطلحات دلوقتي و أخرج موس من تحت لسانه و هجم علي زمان قائلا سيبوني اشرحه أبن الوسخة ده عايز يعقدني في حياتي و اخذ يشوه وجه زمان الجميل