مسلسل يوسف الصديق بالصور

الاهرام المصرية " الجرنال " و ليس الاثر اصبحت حاجة غريبة حاجة مثل العسل الاسود بالكاتشب ملوحة في تقلية حاجة كدة اول ما تشوفها تتفها و ممكن ترجع و ممكن يغمى عليك و ممكن تضرب راسك في الحيط و طبعا هتكون انت المسئول الاول و الاخير عن اللى هيجرالك الاهرام المصرية التى كانت لؤلؤة الصحافة بالقامات التى كانت بها و الاسماء التى تخض المثقفين " بأفكارهم "اهرام حسنين هيكل و توفيق الحكيم و نجيب محفوظ و و و حتى نصل الى جيل سلامة احمد سلامة و فاروق جويدة و فهمى هويدى خرج منها هؤلاء و من دخل مكانهم تخيلوا من ؟ بتقولوا مين يا ولاد تمورة الامورة عبقرى زمانه و اعجوبة اوانه النجم الاوحد و البلبل الارغد النجم الذى سطع على كل النجوم حتى خلانا نجوم من مكانا الولد اللى مجابتوش ولادة و لا بلانة تمورة اللى ما فيش منه 2 في سوق الشباب الزاعق النجم اللى الحركة منه تسحر قلوب تافهين المطرب اللى حكايته حكاية المطرب السوابق الهربان من الجيش و لبس الخيش عارفين انا بتكلم على مين ؟ الواد اللى كله شعر و اللى عاملى قصة بالضمة و قصة بالكسرة و اللى المرادى قصته بالشلوت

تامر حسنى يا ولاد مصر بيكتب فى الاهرام و يا ريته بيكتب في صفحة الفن و لا صفحة المجتمع لا طبعا مش معقولة و لا مقبولة يبقى في مصر عالم علامة و حبر فهامة و نسيبه في الصفحات الهايفة دى واحد ورث الاهرام بتاعة الشعب فحب يهادى الشعب بهدية محصلتشى و يوريلنا هو متمكن ازاى فأهدى مصر و المصريين نابغة زمانة و جيصة عصره و اوانه النجم قبل اوانه تمورة الهربان و اقنعه انه يكتب في صفحة الثفافة و كل دة ليه عشان حس انه فيه لسة نفس في الجرنال فعايز يجيب اجله بقى بأى طريقة بقى يا مفترى عملك ايه الاهرام تبتليه البلوة السودا دى تامر حسنى في الاهرام ؟؟؟؟؟ !!!!!!! و تقولوا ان فيه امل البلد حالها ينصلح ؟ حرام عليكوا الاهرام يتبهدل كدة و يبقى عامل زى كوبرى الليمون ساعة خروج الموظفين زحمة و هيصة و بتوع حاجة ساقعة و حاجات سخنة و مساحين جزم و مساحين جوخ و اخرتها تامر حسنى في صفحة الثقافة مش خايف من ربنا يوم الحساب يقولك ايه اللى انت عملته دة ؟ انا متهيأللى يا ادارة ان كتابة تامر حسنى في صفحة السخافة كفيلة لوحدها توديكوا النار مرحلة اولى و من غير تحسين " ربنا لا تؤاخذنا بما فعل السفهاء منا " الاهرام بقى و لا ورق الكلينكس بتاع الحمام بعد استخدامه قرف قرف قرف يا دوب صفحة الرياضة و صفحة الوفيات و صدق او لا تصدق و غالبا و من هنا و رايح هصدق ما فيش حاجة بعيدة عن الاهرام دلوقتى بكرة يقنعوا جمال الغيطانى يكتب طبق اليوم و محمد سعد اللمبى يمسك صفحة الاقتصاد و عشماوى يمسكوه ركن الاطفال بس برافو عليكوا يا اهرام ضربة في الصميم فين الحمـــــــــــــام عايز ارجععععععععععععععععع

http://www.ahram.org.eg/223/2010/07/10/7/28684.aspx

دنيا الثقافة

حكاية كام واحد فينا كتب : تامر حسني
كتبت تنبيها في ألبومي الغنائي الأخير بخصوص اغنية‏'‏ كام واحد فينا‏'‏ يقول‏'‏ الرجاء من كل من تنطبق عليه حالة الأغنية أن يتجنب سماعها مع شريكة حياته‏.

لأنني لاحظت أن كلمات الأغنية شديدة الواقعية. فهي تتحدث عن شيء واحساس خطير بداخل الأشخاص خصوصا المتزوجين‏,‏ وهذا الاحساس لم يتحدث فيه صاحبه‏.‏ الأغنية كلامي ولحني‏..‏ والحقيقة كان إدراكي لحجم صراحة الأغنية كبير جدا ومقلق للغاية من عواقب

( مش هكمل المقال ) منعا لأى عواقب