مسلسل يوسف الصديق بالصور

سؤال هام يطرح نفسه ارجو من اى عاقل او مجنون ان يرد عليا يا أما هبطح نفسى عليكوا و اعمل للشعب دة كله محاضر ازاى دولة صديقة و عمالين نقول بالسلام احنا ابتدينا بالسلام و اخد الغاز بتاع شعبنا " اللى مش لاقى انبوبة جاز " و اروح اديه لهذه الدولة الصديقة و بدل ما الدولة دى تبوس ايد الشعب المصرى كله ترد علينا بجروب جواسيس ؟ ايه اللى يخلى مصر تقبل وضع زى دة ؟ و ايه اللى يخلى مصر مستحملة ؟ كاسرين عينا بحاجة ؟ بيدونا شهرية خايفين عليها ليقطعوها علينا ؟ ايه اللى يخلى مصر تبقى على حاجة مع اسرائيل ؟ ازاى بعد شبكات التجسس دى كلها مصممين نفتح ليهم مواسير غازنا ؟ و نحضر لحفلات عربدتهم في البحيرة على شرف شخص مجهول الهوية ؟ حاجة تجنن فعلا انى بعد دة كله اشوف اليهود داخلين بلدى و لا كإن في حاجة اذا لم يكن لنا موقف الان فمتى نشعر بالاهانة و بالغضب سؤال اطرحه على السادة المنتفخين المنتفعين في السخافة القومية " الصحف القومية سابقا " مع خالص حزنى لما يحدث لأسم مصر الان