مسلسل يوسف الصديق بالصور

مين دول

اللى بيتكلموا عن ناس مش مننا 

بيتكلموا عن ناس مش عندنا

أشى ملحد علمانى 

اشى كافر ريبرارى

و انا قدامهم وحدى بعانى

**********

عمرهم ما جابوا سيرة عننا

اللى مرضان

و اللى عيان

و النايم تحت الكوبرى

و لا ماشى حفيان

عمركم سمعتوهم بيتكلموا عنكم  ؟

عن ناهيا و لا بهتيم

عن الدويقة و لا بشتيل 

عن الشبعانين قصاد الجعانين ؟

***********

بيتوهونا في الحكايات

بيكلمونا في لغريتمات 

و قسمونا جنة و نار 

و احنا قدامهم 

دايقنها مرار

*********

بيقولك البرادعى عميل

حمزاوى خراوى

عمرك سمعتهم بيقولوا حسنى حرامى ؟

عمرك سمعتهم بيقولوا على عز بلاوى  ؟

عمرك سمعت سيرة الفقرا على لسان البلتاجى ؟

عمرك سمعت سيرة الشقيانين على لسان المتأخونين ؟

و لا يكونوش ناسيين ؟

و لا هم متعمدين يتوهوا الغلبانين ؟

ايش يهمنى 

مين في الجنة و مين في النار 

بقلك 

صلح الحالة

طافحة مرار 

يرجع يقولك فلان علمانى 

فلان ريبرارى 

فلان شيوعانى 

ابوس قفا امك 

كلمنا عننا 

عن عيشتنا و لقمتنا 

عن قوتنا 

و اللى سرقنا 

و لسة بيسرقنا

ليه اللف و الدوران ؟

و الاسم اخوان

انتوا الرياسة ويا الحكومة 

البلد امتى تتعدل

و يقوملها قومة 

خططك و رسمك 

لمين يا بومة ؟

للفقرا و لا للشطورة 

و المرشد حاسس بينا ؟

و لا مقضيها

ميت عزومة ؟

عمرك جعت زينا ؟

عمرك استنيت 

علاوة و لا عيدية ؟

و لا هى ايام معدية ؟

يلعن ابو اليوم اللى خلاكو 

تتكلموا عن كل حاجة 

ما عدا المشاكل دية ؟