حول مسلسل يوسف الصديق " نظرة الى الدراما "

هنا القاهرة

هنا القاهرة الساحرة الآسِرة الهادرة الساهرة الساترة السافرة
هنا القاهرة الزاهرة العاطرة الشاعرة النيّرة الخيّرة الطاهرة
هنا القاهرة الساخرة القادرة الصابرة المنذرة الثائرة الظافرة
صدى الهمس في الزحمة و الشوشرة
أسى الوحدة في اللمة و النتورة
هنا الحب و الكدب و المنظرة
نشا الغش في الوش و الإفترا
هنا القرش و الرش و القش و السمسرة
هنا الحب و الحق و الرحمة و المغفرة
و انا ف قلب دوامتك الدايرة بينا
بصرّخ بحبّك يا أجمل مدينة
يا ضحكة حزينة .. يا طايشة و رزينة
بحبّك و اعفّر جبيني في ترابك
و اعيش في رحابِك و أقف جنب بابك
جنايني أروي بالدم وردة شبابك
يا زينة جنينة حياتنا اللعينة
بحبّك يا بنت اللذين
بحبّك

عرفتوا ليه بحب بلدى لأنها كل حاجة و اى حاجة مصر بلد النيل و العشق و الزحمة و الاغنيا قوى و الفقرا قوى مصر بلد الازهر و شارع الهرم و الجامعة و الاهلى و الزمالك و نجيب محفوظ و عدوية و العندليب و شعبان عبد الرحيم مصر قادرة تدى لكل واحد الحاجة اللى بيحبها و عمر مصر ما هتنعدل لأنها لو تعدلت مش هنعرفها و هتبقى حاجة غريبة عنا بزحمتها و شوشرتها و لخبطتها