مسلسل يوسف الصديق بالصور

مرة واحد اتورط و لقى نفسه مولود في مصر بصراحة كانت حركة بايخة من ابوه و امه اللى كانوا متواطئين مع بعض عشان يتورط و مدبس في البلد دى ؛ هو كان نفسه يلاقى نفسه بلجيكى او ينول الرضا السامى و يتولد في واشنطون دى سى بس ابوه و امه سهروا سهرة حمرا لما امه حكمت رأيها و حلفت و قالت الليلة يا هريدى المهم اتولد في بسلامتها المحروسة و طلع يغنى انا المصرى كريم العنصرين لا لاقى مية و لا بنزين ابن هريدى سمع و هو صغير ان واحد بلدياته كان بيقول زمان لو لم اكن مصريا لوددت ان اكون مصريا فأعتقد ان هذا الرجل منافق و لا مجنون عايز يبقى مصرى ليه من حبه في العشوائيات و لا حوادث المرور و لا من عدم وجود لحمة و لا رز و لا ميا و لا دم في العروق ابن هريدى خرج من بيتهم رايح شغله المجارى الطافحة تجعله مثل البهلوان كى يعبر الطريق يشم الريحة و يقول بس لو كانت بلجيكى يسد مناخيره و يعبرها بصعوبة و يقول انا دلوقتى عرفت ليه في مدينة اسمها العبور اكيد المحارى طافحة هناك بس بلجيكا ما فيهاش مجارى طافحة يمرض ابن هريدى ان يلاقى ثمن العلاج ما فيش طيب اتعالج على حساب البلد اللى اتولدت فيها ما فيش يقول يا بختكوا يا امريكان بس لو كنت امريكانى مع اننا 80 مليون و الامريكان 280 مليون بس معندهومش ازمة يدور على اتوبيس يركبه يقولوله انهم امموا النقل العام عشان كان مخللى شكل البلد حلوة قال يعنى لما لغوا الاتوبيسات البلد نضفت يقول ابن هريدى بس لو كنت صينى مع انهم فوق 1000 مليون بس و لا حد حاسس بيهم ورطة اتحط فيها ابن هريدى يقول و لا انا اللى عملتها و لا كان بأيدى انى اتولد النواحيدى يا رتنى ريحتكوا منى و كنت بلجيكى حاسس انى تقيل عليكوا لو تعرفوا تهربونى و تودونى سويسرا و لا فيينا بس يا هل ترى هيقبلونى بالعلل اللى عندى و تقاليدى ؟

اين هريدى حاسس انه ادبس و دبس معاه حكومة البلد ديا عايز يعتذرلها انه اتولد هنا بس و الله ما كانت غلطته و لو كان شاهد الليلة المشئمة دى كان صفر لأبوه و قاله اوفسيد قلة الادب دى ما تكونش هنا روح على باريس و لا لوندون ناسها بيضا و حلوة و العيشة فيها سهلة و بناتها لا تقول جهاز و لا هتجيب دهب بكام و كان زمانه بقى انجليزى و لا فرنساوى ماشى مع نانسى و لا لوليتا في البكاديللى و لا جنب الريفيرا بدل ما هو مزنوق في الدويقة يا ريتك يابا كنت بلجيكى الواحد مش حامل هناك هم اللحمة و لا الدقيق و الرز ما هى الفلوس هناك زى الرز و الشورتات مخلية الناس حلوة و رايقة تخش سيما و تشترى ايس كريم مش زى هنا بيموتوا من التطعيم ليه يا ابا خلتنى مصرى دة مقلب تعمله فيا و لا كان لى ميل و لا كان بأديا كنت عايز ابقى طليانى اكل عيش شامى و لا كندى عايش متهنى بدل ما امشى هنا امين شرطة يهينى يروح الشغل متأخر بسبب المواصلات ياخد خصم يومين يبكى و يقول انا ايه خلانى مصرى يا رتنى حتى كنت هندى اعقد مع حية و لا اشتغل مع فيل لا حد يظلمنى و لا ابقى على الناس تقيل بس بينى و بينكوا في لحظة يحمد ربنا انه مصرى لحظة ما يشرب بق من مية النيل