مسلسل يوسف الصديق بالصور

و قامت الثورة في 1952 و طردوا الملك ؟ يا ترى ايه رايى في الموضوع دة ؟ رايى مش مهم يا ترى حد سالنى ؟ لا و لا واحد خد رأيى فرايى مش مهم هم ماكنش عاجبهم الملك شالوا الملك و جابوا بداله 12 ملك هل سالونى عن رايى فيهم لا فرايي مش مهم و لغوا الملكية و بقت جمهورية فرقت معايا ؟ لا هم راح و جه هم هما الاتنين قاعدين قدامى اهم لا قبل الثورة كان عندى الابعدية و لا بعد الثورة ورثت الملكية فقير قبل الثورة معدم بعد الثورة مديون في الحالتين اجير في البلدين مصر الجيدة اخت القديمة الاتنين عايزين ربنا يهديهم و ربنا يدينا على اد نيتنا هل فيه فرق بين الحالتين لا يمكن لبسوا الحرامى بدلة بدل الجلابية يمكن لبسوا المخبر قميص بدل الكوفية يمكن لبسوا الباشا تيشرت بدل البهوية لكن يبقى الوضع تحت ما هو عليه حالنا هو هو لا فرق مليم و لا جنيه صحيح حياتنا لونت يمكن الريسفير دخل بيوت بدل السهارى يمكن التلاجة مكان القلة لكن المجاعة هى هى لكن الجهل هو هو قامت ثورة قالوا انها عظيمة لكن الثورة اتاريها ثورة على اللحمة و اللقمة مش بس على الملكية الملكية صحيح راحت لكن خدت معاها الرطل و الخير و الرزق الثزرة مكنتش على فاروق الثورة كانت على مصر كلها و الدليل اننا اليوم مش عارفين اذا كنا عايشين و لا ميتين صاحين و لا نايمين مصر في الشمال و لا اليمين

احنا موافقين على ثورة 52 بس بشرط تقولوا الماتش كان بين مين و مين الملك و جمال و لا بين الغنى و الفقير و الثورة كانت على الانجليز و لا على المصريين و بعد مرور كل هذه السنين ممكن اعرف ايه الدليل اننا متقدمين ؟ التعليم الفاشل ، العلاج المجانى ، العباره بتاعة ممدوح اسماعيل اكياس الدم المبيدات المسرطنة و لا اختفاء الفراخ و السمين رجاء تأكدوا ان حبنا بلدنا مش محل شك لكن رجاء اعرفوا ان الثورة قامت عشان تحررنا من جبننا و نفاقنا